SAHAR

صیہونی آبادکاروں نے ایک بار پھر مسجد الاقصی پر حملہ کرکے اس مقدس مقام کی بے حرمتی کی ہے۔

فلسطینی ذرائع‏ کے مطابق درجنوں صیہونی آبادکاروں نے جمعرات کے روز صیہونی فوجیوں کی پشتپناہی میں باب المغاربہ سے مسجد الاقصی میں داخل ہو کر اس مسجد کے مختلف حصوں کو اپنی جارحیت کا نشانہ بنایا۔غاصب صیہونی حکومت کے فوجی اور صیہونی آبادکار، مسجد الاقصی کا اسلامی تشخص ختم اور اسے صیہونی علامت میں تبدیل کرنے کے لئے آئے دن اس مسجد کو اپنے حملوں کا نشانہ بناتے رہتے ہیں۔صیہونی حکومت کی جارحیت کے جواب میں فلسطینیوں نے یکم اکتوبر دو ہزار پندرہ میں انتفاضہ قدس شروع کی ہے اور جب سے اب تک صیہونی فوجیوں کے جارحانہ و وحشیانہ اقدامات میں تین سو سے زائد فلسطینی شہید ہو چکے ہیں۔