ترکی نے قطر کے لیے سعودی شرائط کو غیر قانونی قرار دے دیا
Jun ۲۵, ۲۰۱۷ ۱۶:۰۰ Asia/Tehran
ترکی کے صدر نے قطر کے ساتھ تعلقات کی بحالی سے متعلق بعض عرب ملکوں کی شرائط کو انقرہ کی بے احترامی قرار دیا ہے۔
ترکی کے صدر رجب طیب اردوغان نے سعودی عرب اور بعض دوسرے عرب ملکوں کی شرائط کو غیر قانونی قرار دیتے ہوئے کہا ہے کہ ترکی، قطر میں اپنے فوجی اڈے ختم نہیں کرے گا۔
اس سے پہلے ترکی کے وزیر دفاع نے سعودی عرب اور اس کے اتحادی ملکوں کے موقف پر نکتہ چینی کرتے ہوئے کہا تھا کہ ان کا ملک، قطر اور عرب ملکوں کے درمیان اختلافات کو مذاکرات کے ذریعے حل کیے جانے کا خواہاں ہے۔
انہوں نے ساتھ ہی یہ بھی کہا تھا کہ ترکی، قطر میں اپنی فوجی موجودگی پر نظر ثانی کا کوئی ارادہ نہیں رکھتا۔
واضح رہے کہ سعودی عرب، متحدہ عرب امارت، بحرین اور مصر نے پانچ جون کو بیک وقت قطر کے ساتھ تعلقات توڑ لیے تھے۔