SAHAR

داعش مخالف نام نہاد امریکی اتحاد نے ایک بار پھر شام کے علاقے دیرالزور میں بیالیس بے گناہوں کا قتل عام کر دیا۔

لبنانی نیوز ویب سائٹ النشرہ کی رپورٹ کے مطابق امریکی اتحاد کے جنگی طیاروں نے دیرالزور میں داعش کی ایک جیل پر بمباری کر کے شام کے بیالیس بے گناہ شہریوں کو قتل کر دیا-

یہ شامی شہری داعش کی جیل میں قید و بند کی صعوبتیں برداشت کر رہے تھے-

زخمیوں کی نازک حالت کے پیش نظر مرنے والوں کی تعداد میں اضافہ ہو سکتا ہے-

عینی شاہدین نے شام کے شہر الرقہ پر بھی امریکی اتحاد کے جنگی طیاروں کے حملوں کی خبر دی ہے- عینی شاہدین کا کہنا ہے کہ امریکی اتحاد کے جنگی طیارے شہر رقہ میں داعش کے اڈوں کے بجائے لوگوں کے گھروں پر بمباری کر رہے ہیں۔

ان حملوں میں اب تک ایک بڑی تعداد جاں بحق اور زخمی ہو چکی ہے-