غزہ پر صیہونی فوجیوں کا حملہ
Jul ۲۴, ۲۰۱۷ ۱۴:۵۶ Asia/Tehran
صیہونی حکومت نے پیر کے دن غزہ پر گولہ باری کی ہے۔
فلسطینی ذرائع کے مطابق غاصب صیہونی حکومت نے غزہ میں فلسطین کی مزاحمتی تحریک حماس کے ٹھکانوں پر گولہ باری کی ہے۔
غزہ کا علاقہ سنہ دو ہزار چھے سے صیہونی حکومت کے محاصرے میں ہے اور اس علاقے کے فلسطینیوں کو شدید مسائل و مشکلات کا سامنا ہے۔
صیہونی حکومت نے غرب اردن کے علاقے الخلیل میں اپنا ایک ہیلی کاپٹر گرنے کے تھوڑی دیر کے بعد ہی غزہ کو اپنی جارحیت کا نشانہ بنایا۔ فوجی ہیلی کاپٹر گرنے کے بعد صیہونی حکومت نے اپنے ہوا بازوں کی تلاش شروع کر دی۔
صیہونی حکومت کا یہ ہیلی کاپٹر الخلیل کے مشرق میں بنی نعیم کے علاقے میں گر کر تباہ ہوا۔ واضح رہے کہ صیہونی حکومت فلسطین کے خلاف اپنے فوجی ہیلی کاپٹروں کا استعمال کرتی ہے۔