افغانستان کا امریکہ کو انتباہ
Jul ۲۵, ۲۰۱۷ ۱۵:۱۰ Asia/Tehran
افغانستان کے چیف ایگزیکٹیو عبداللہ عبداللہ نے صوبہ ہلمند میں افغان پولیس کے ٹھکانوں پر غیر ملکی فوج کے ہوائی حملوں کے بارے میں سخت خبردار کیا ہے۔
عبداللہ عبداللہ نے امریکہ کو متنبہ کرتے ہوئے کہا ہے کہ آئندہ افغان پولیس پر حملوں سے گریز کرے۔منگل کے روز امریکی طیاروں نے صوبہ ہلمند کے شہر گرشک میں افغان پولیس کی ایک چیک پوسٹ پر حملہ کیا تھا جس میں دسیوں افغان پولیس اہلکار ہلاک اور زخمی ہوئے تھے۔امریکہ نے اس حملے پر معافی مانگے بغیر کہا ہے کہ یہ حملہ غلطی سے ہوا تھا۔امریکہ کے خودسرانہ حملوں کے خلاف افغان عوام میں شدید غم و غصہ پایا جاتا ہے اور وہ حکومت افغانستان سے کابل واشنگٹن سیکورٹی معاہدہ منسوخ کیے جانے کا مطالبہ کر رہے ہیں۔