ايران اورعراق کےاسٹريٹجک تعلقات
Aug ۲۰, ۲۰۱۷ ۱۱:۳۷ Asia/Tehran
عراق كے اہم سياستداں مقتدی صدر نے كہا ہے كہ ايران كے ساتھ ہمارے تعلقات تاريخی اور اسٹريٹجک ہيں
عراق كے سياستدان اورعالم دين مقتدی صدر نے عراق كے قومی ٹي وی سے گفتگو کرتے ہوئے كہا كہ عراق اور ايران كے تعلقات تاريخی اور اسٹريٹجک ہيں۔ انہوں نے اس بات كا اعادہ كيا ہے كہ وہ كبھی خطے كے حالات كے حوالے سے ايران اور عراق كے مفادات كے خلاف موقف اختيار نہيں كريں گے۔
انہوں نے كہا كہ ان كے علاقائی ممالک كے دوروں كا مقصد خطے ميں پائيدار امن اور امان كی بحالی كے لئے تعاون بڑھانا تھا۔ مقتدا صدر کا کہنا تھا كہ ان كے خليج فارس سے ملحقہ عرب ممالک كے دورے ، عراق کے وزیر اعظم حيدر العبادی سے صلاح و مشاورت كے بعد طے ہوئے.
واضح رہے کہ مقتدا صدر نے ابھی حال ہی میں سعودی عرب اور متحدہ عرب امارات كا دورہ کیا اور ان ممالک کے اعلی حکام سے ملاقاتیں کی ہیں۔