یمن میں سعودی ٹھکانوں پر میزائل حملہ
Sep ۲۵, ۲۰۱۷ ۱۸:۵۶ Asia/Tehran
یمن کے صوبے تعز میں تل سلطان کے علاقے میں سعودی آلۂ کار فوجیوں کے ٹھکانوں پر زلزال دو میزائل سے حملہ ہوا ہے۔
یمن کے المسیرہ ٹی وی نے اس خبر کا اعلان کرتے ہوئے یہ رپورٹ بھی دی ہے کہ یمنی فوج نے جنوبی سعودی عرب کے صوبے جیزان میں جبل قیس کے علاقے میں سعودی فوجیوں کے ٹھکانے پر بھی گولہ باری کی۔سعودی عرب کے صوبے نجران کے علاقے الطلعہ میں سعودی فوج کا ایک لوڈر بھی یمنی فوج کے میزائل حملے میں تباہ ہوگیا۔دریں اثنا رشا ٹوڈے نے رپورٹ دی ہے کہ یمن میں جاری جنگ کی بنا پر مختلف قسم کے امراض پھیلتے جا رہے ہیں جن میں ہیضے کی بیماری میں کافی تعداد میں لوگ مارے جا چکے ہیں۔عالمی ادارہ صحت نے بھی اعلان کیا ہے کہ یمن میں ہیضے کی بیماری پھیلنے کے نتیجے میں اب تک دو ہزار نوے افراد مارے جا چکے ہیں۔