آل سعود کے کھلے جرائم کی مذمت
Oct ۰۸, ۲۰۱۷ ۱۳:۵۹ Asia/Tehran
بچوں کے حقوق کی خلاف ورزی کرنے پر بلیک لسٹ میں سعودی عرب کا نام شامل ہوجانے کے بعد بحرین کی جمعیت الوفا نے تاکید کےساتھ اعلان کیا ہے کہ خاص طور سے یمن میں سعودی عرب کے جرائم کی پردہ پوشی کی کوشش ناقابل قبول ہے۔
اقوام متحدہ نے جمعے کے روز جنگ یمن کے بارے میں اپنی ایک رپورٹ میں کہا ہے کہ یمن پر سعودی اتحاد کے حملوں میں صرف گذشتہ سال کے دوران چھے سو تراسی بچے مارے گئے اور زخمی ہوئے ہیں۔
اقوام متحدہ نے اپنی اس رپورٹ میں سعودی عرب کا نام بچوں کے حقوق کی خلاف ورزی کرنے والے ملکوں کی فہرست میں شامل کر لیا ہے۔
بحرین کی جمعیت الوفا نے اقوام متحدہ کے اس اقدام کو اہم قرار دیتے ہوئے اعلان کیا ہے کہ آل سعود کے ہاتھ یمن میں بے گناہ عام شہریوں اور عورتوں و بچوں کے خون سے آلودہ ہیں۔