امریکی ڈرون طیاروں کے حملے میں متعدد افغان شہری جاں بحق
Oct ۱۳, ۲۰۱۷ ۱۴:۰۹ Asia/Tehran
افغانستان کے صوبہ کنڑ میں امریکی فوج کے ڈرون طیاروں کے حملے میں کم سے کم چودہ عام شہری جاں بحق ہوگئے ہیں
رپورٹ کے مطابق صوبہ کنڑ کے مقامی حکام نے بتایا ہے کہ امریکہ کے ڈرون طیاروں نے ضلع چوکی میں شادی کی ایک تقریب پر بمباری کردی ہے جس کے نتیجے میں کم سے کم چودہ عام شہری جاں بحق اور متعدد زخمی ہوگئے- ابھی بہت سی لاشیں مکان کے ملبے کے نیچے دبی ہوئی ہیں- امریکہ کے ڈرون طیارے اس سے پہلے بھی افغانستان کے رہائشی علاقوں کو بارہا اپنے حملوں کا نشانہ بنا چکے ہیں-