فلسطین کے تمام علاقوں کی آزادی تک جدوجہد جار رکھنے پر حماس کی تاکید
Nov ۰۴, ۲۰۱۷ ۱۴:۳۹ Asia/Tehran
فلسطینی قیدیوں سے متعلق تحقیقاتی مرکز نے اعلان کیا ہے کہ صیہونیوں نے صرف اکتوبر کے مہینے میں پانچ سو فلسطینیوں کو گرفتار کیا ہے۔
ہمارے نمائندے کے مطابق فلسطینی قیدیوں کے اس مرکز نے جمعے کے روز اپنی ایک رپورٹ میں بتایا ہے کہ صیہونی فوجیوں نے اکتوبر کے مہینے میں جن فلسطینیوں کو گرفتار کیا ہے کہ ان میں ستّر بچے اور نو عورتیں شامل ہیں۔
اس رپورٹ کے مطابق اکتوبر کے مہینے میں مقبوضہ بیت المقدس میں گرفتاریوں کے ایک سو اسّی واقعات رونما ہوئے۔
اس رپورٹ میں یہ بھی بتایا گیا ہے کہ غاصب صیہونیوں نے ان بیمار فلسطینیوں کو بھی بیت حنون کی گزرگاہ پر گرفتار کر لیا جو علاج کے لئے غزہ سے باہر منتقل ہونے کی کوشش کر رہے تھے۔
اس سے قبل فلسطینی قیدیوں کے امور کے مرکز نے اعلان کیا تھا کہ صیہونی حکومت کی جیلوں میں بند فلسطینی قیدیوں کی تعداد ساڑھے چھے ہزار ہے۔