SAHAR

شام کی وزارت خارجہ نے اپنے ایک بیان میں روس کے شہر سوچی میں ایران، روس اور ترکی کے سہ فریقی سربراہی اجلاس کے اختتامی بیانیہ کا خیر مقدم کیا ہے۔

سانا کی رپورٹ کے مطابق شام کی وزارت خارجہ کا کہنا ہے کہ شام ہر ایسے سیاسی اقدام کی حمایت کرتا ہے جس میں شامی عوام کی حاکمیت اور شام کی ارضی سالمیت اور شامی عوام کے سکیورٹی امور کے اہتمام پر توجہ مبذول کی گئی ہو۔

روس کے شہر سوچی میں ایران کے صدرڈاکٹرحسن روحانی ، روس کے صدر ولادیمیر پوتین اور ترکی کے صدر رجب طیب اردوغان نے شام میں قیام امن کے سلسلے میں باہمی تعاون پر تاکید کرتے ہوئے دہشت گردی کے خلاف مشترکہ کارروائی جاری رکھنے کے عزم کا اظہار کیا ہے ۔

روس، ایران اور ترکی نے سہ فریقی سربراہی اجلاس کے بیانیہ میں شام کی ارضی سالمیت ، شام کے استقلال اور شامی عوام کی حاکمیت پر بھی تاکید کی ہے۔