روہنگیا مسلمانوں کی واپسی میں مشکلات
Dec ۱۰, ۲۰۱۷ ۰۹:۰۴ Asia/Tehran
اقوام متحدہ نے کہا ہے کہ میانمار کی راخین صوبے میں مکمل استحکام اور امن کے بغیر روہنگیا مسلمانوں کی واپسی سے گریز کیا جائے۔
غیرملکی خبررساں ادارے کے مطابق اقوام متحدہ کے ادارہ برائے مہاجرین کے ترجمان آدریان ایڈورڈز نے جنیوا میں کہا کہ لوگ راخین ریاست میں اس وقت تک واپس نہیں جا سکتے جب تک وہاں پائیدار امن قائم نہیں ہوتا۔
اقوام متحدہ کے ادارہ برائے مہاجرین نے مزید کہا کہ نومبر کے مہینے میں 20 ہزار روہنگیا افراد راخین سے بنگلہ دیش پہنچے جبکہ رواں ماہ میں بھی کم از کم 270 روہنگیا مہاجرین پناہ کی غرض سے بنگلہ دیش پہنچے ہیں۔
واضح رہے کہ رواں برس کے اگست مہینے سے اب تک بنگلہ دیش پہنچنے والے روہنگیا مہاجرین کی مجموعی تعداد 6 لاکھ 46 ہزار تک پہنچ چکی ہے۔
