یمن: سعودی عرب کے 7 فوجی ہلاک
Jan ۱۳, ۲۰۱۸ ۱۲:۲۱ Asia/Tehran
یمن کی فوج اورعوامی اسلامی تحریک انصاراللہ نے سعودی عرب اور اس کے اتحادیوں کی جارحیت کا سخت جواب دیا ہے۔
النشرہ کی رپورٹ کے مطابق یمن کی اسلامی تحریک انصار اللہ نے ایک کارروائی کے دوران سعودی عرب کے 7 فوجیوں کو ہلاک کردیا ہے۔
اطلاعات کے مطابق انصار اللہ نے جیزان ، نجران اور العسیر میں سعودی عرب کے ان فوجیوں اور آلہ کاروں کو ہلاک کیاہے۔
واضح رہے کہ یمن پر مارچ دوہزار پندرہ سے سعودی عرب اور اس کے اتحادیوں کے حملے جاری ہیں جن کے نتیجے میں جہاں دسیوں ہزار یمنی شہری شہید اور زخمی ہوچکے ہیں وہیں اس ملک کا بنیادی ڈھانچہ بھی تباہ ہوگیا ہے۔
سعودی عرب اور اس کے اتحادیوں نے یمن کا چاروں طرف سے محاصرہ کررکھا ہے جس کی وجہ سے یمنی شہریوں کو انسان دوستانہ امداد بھی نہیں پہنچ پارہی ہے۔
