SAHAR

شامی فوج اور اس کے اتحادیوں نے حماہ اور ادلب صوبوں میں جبہہ النصرہ کے ٹھکانوں پر شدید حملے کئے ہیں۔

 العالم نے خبر دی ہے کہ شام اور روس کے جنگی طیاروں نے بھی ادلب شہر کے جنوبی مضافاتی علاقے میں دہشت گردوں کے کیمپ اور حماہ شہر کے شمالی مضافات میں جبہہ النصرہ کے ٹھکانوں پر بمباری کی ہے-

ان حملوں میں بہت سے دہشت گرد ہلاک ہو گئے- شام کی سرکاری خبر رساں ایجنسی سانا نے بھی رپورٹ دی ہے کہ عفرین شہر میں ترک فوج کے توپخانوں اور میزائل حملوں میں متعدد رہائشی مکانات اور ایک ریلوے اسٹیشن کو نقصان پہنچا جبکہ شام کے شہر عفرین میں اسپتال کے ذرائع کا کہنا ہے کہ ترک فوجیوں نے پچھلے چند روز کے دوران اپنے حملوں میں کلورین گیس کا استعمال کیا ہے-