ترک فوج نے شام کے شہر عفرین پر قبضہ کر لیا
Mar ۱۸, ۲۰۱۸ ۱۹:۳۵ Asia/Tehran
ترکی کے صدر رجب طیب اردوغان نے اپنے ایک بیان میں شام کے شمالی شہر عفرین پر ترک فوج کے قبضے کی تصدیق کر دی ہے۔
خبر رساں ایجنسی اناتولیہ کے مطابق ترکی کے صدر رجب طیب اردوغان نے اس بات کی تصدیق کی ہے کہ شام کے شہر عفرین کے مرکز پر ترک فوج نے قبضہ کر لیا ہے۔
انہوں نے کہا کہ ترک فوج نے فری سیرین آرمی کے ساتھ مل کر عفرین کو مکمل طور پر اپنے کنٹرول میں لے لیا ہے۔
دوسری جانب عفرین کے عہدیداروں نے بتایا ہے کہ پچھلے چند روز کے دوران ترک فوج کی جارحیت کے نتیجے میں ڈیڑھ لاکھ لوگ شہر سے کوچ کر گئے ہیں۔
ترک فوج نے عفرین پر اپنے زمینی اور ہوائی حملے تیز کرتے ہوئے شہر کے واحد اسپتال کو نشانہ بنایا تھا جس کے نیتجے میں درجنوں افراد مارے گئے تھے۔