عراق سے بیرونی افواج کے انخلا کا مطالبہ
Mar ۲۰, ۲۰۱۸ ۲۰:۲۹ Asia/Tehran
عراق کی مجلس اعلائے اسلامی کے سربراہ نے کہا ہے کہ مشن ختم ہونے پر بیرونی فوجیوں کو چاہئے کہ عراق کو ترک کر دیں۔
العالم کی رپورٹ کے مطابق عراق کی مجلس اعلائے اسلامی کے سربراہ ہمام حمودی نے کہا کہ عراق کے سو سے زائد اراکین پارلیمنٹ نے عراق سے بیرونی افواج کے انخلا کے منصوبے پر دستخط کر دیئے ہیں۔
انھوں نے کہا کہ عراق سے امریکی فوجیوں کا انخلا ترجیحات میں شامل ہے۔ انھوں نے عراق کی مسلح افواج کے کمانڈر سے بھی مطالبہ کیا کہ وہ عراقی پارلیمنٹ کو عراق سے بیرونی افواج کے انخلا کا شیڈول بنا کر پیش کریں۔
ہمام حمودی نے کہا کہ سعودی ولیعہد محمد بن سلمان کے دورہ بغداد میں ریاض کی جانب سے دہشت گرد گروہوں کی حمایت کے مسئلے پر بھی گفتگو ہو گی۔
عراق کی بیشتر جماعتوں، اہم شخصیات اور ذرائع ابلاغ نے عراق سے غیر ملکی فوجیوں کے انخلا کی ضرورت پر تاکید کی ہے۔
