SAHAR

ترکی کے صدر رجب طیب اردوغان نے منگل کی رات انقرہ میں روس کے صدر ولادیمیر پوتن کے ساتھ مشترکہ پریس کانفرنس میں کہا ہے کہ ان کا ملک شام میں امن و استحکام کے لئے ایران و روس کے ساتھ تعاون جاری رکھے گا۔

ارنا کی رپورٹ کے مطابق ترکی کے صدر نے انقرہ میں ایران، روس اور ترکی کے سربراہوں کے اجلاس کی طرف اشارہ کیا اور کہا کہ اس اجلاس میں شام کے بارے میں آستانہ کے عمل سے متعلق بھی گفتگو ہو گی۔

انھوں نے کہا کہ شام میں قیام امن کے لئے آستانہ مذاکرات جنوری دو ہزار سترہ میں ایران کی کوششوں اور روس و ترکی کے تعاون سے شروع ہوئے ہیں۔

انقرہ اجلاس میں شرکت کے لئے ایران کے صدر ڈاکٹر حسن روحانی منگل کی رات ترکی پہنچے جہاں بدھ کو ترکی کے صدر رجب طیب اردوغان نے ان کا باضابطہ طور پر استقبال کیا۔