• شام: الحسکہ پر امریکی اتحاد کا حملہ، 4 عام شہری جاں بحق

شام میں الحسکہ کے علاقے پر داعش مخالف نام نہاد امریکی اتحاد کی بمباری میں کم از کم چار افراد جاں بحق اور ایک شخص زخمی ہو گیا۔

ارنا کی رپورٹ کے مطابق امریکی اتحاد کے جنگی طیاروں نے یہ حملہ الحسکہ کے جنوب مشرقی مضافاتی علاقے الحردان پر کیا۔

منگل کے روز بھی اس نام نہاد امریکی اتحاد نے تل الشایر پر بمباری کی تھی جس میں سات عام شہری جاں بحق اور پانچ دیگر زخمی ہو گئے تھے۔

اس سے قبل پیر کے روز خوئیبیرہ میں ایک اسکول پر جہاں عراقی پناہ گزیں پناہ لئے تھے، امریکی اتحاد کی بمباری میں اٹھارہ افراد جان بحق ہو گئے تھے جن میں بیشتر عورتیں اور بچے شامل ہیں۔

ٹیگس

Jun ۱۳, ۲۰۱۸ ۲۱:۲۰ Asia/Tehran
کمنٹس