یمنی فورسز کا سعودی عرب کی جنگی کشتی پر حملہ
Sep ۰۲, ۲۰۱۸ ۱۰:۱۸ Asia/Tehran
یمنی ذرائع کے مطابق یمنی فورسز نے جیزان کے ساحل پر سعودی عرب کی جنگی کشتی کو میزائل سے نشانہ بنا کر تباہ کردیا ہے۔
المسیرہ کی رپورٹ کے مطابق یمنی فورسز نےجیزان کے ساحل پر سعودی عرب کی جنگی کشتی کو میزائل سے نشانہ بنا کر تباہ کردیا ہے۔ یمنی فورسز کے مطابق سعودی عرب کی یمن کے نہتے شہریوں پر بمباری اور یمنی ماہیگیروں کی شہادت کے بدلے میں سعودی عرب کی جنگی کشتی کو نشانہ بنایا گیا جس کے نتیجے میں متعدد سعودی فوجی ہلاک ہوگئے۔
یمنی فوج کے ترجمان کے معاون عزیز راشد کا کہنا ہے کہ یمنی ماہی گیروں پر سعودی عرب کے حملوں کے جواب میں سعودی عرب کے بحری جنگی جہاز کو نشانہ بنا کر تباہ کردیا گیا ہے۔
یمنی ذرائع کے مطابق سعودی عرب نے اب تک 222 یمنی ماہگیروں کو شہید جبکہ 206 کو زخمی کردیا ۔