SAHAR

یمن پر جہاں سعودی جارحیت جاری ہے وہیں یمنی فوج اور عوامی رضاکار فورسز کی کارروائیوں اور سعودی فوجیوں کو ہلاک کرنے کا سلسلہ بھی جاری ہے۔

المیسرہ کی رپورٹ کے مطابق، یمنی سرکاری فوج اور عوامی رضاکار فورسز نے مغربی ساحل کے محاذ پر سعودی عرب کی جارح افواج کے وحشیانہ حملوں کا منہ توڑ جواب دیتے ہوئے متعدد سعودی فوجیوں کو ہلاک کردیا ہے۔

 دوسری جانب گزشہ رات یمنی فوج کے میزائل یونٹ نے زلزال 1 نامی میزائل سے جیزان میں سعودی بیرکوں پر حملہ کیا ہے تاہم سعودی حکام کی جانب سے کسی قسم کا کوئی ردعمل سامنے نہیں آیا ہے۔

دوسری جانب سعودی اتحاد کے لڑاکا طیاروں نے شمالی صوبے حجہ کے رہائشی علاقوں پر بمباری کی ہے جس کے نتیجے میں متعدد مکانات تباہ ہو گئے۔ سعودی اتحاد کی وحشیانہ بمباری میں کم سے کم دو عام شہری شہید اور متعدد زخمی ہوئے ہیں۔