SAHAR

ڈائریکٹر جنرل آئی ایس پی آر میجر جنرل آصف غفور نے دعوی کیا ہے کہ پاکستان کے بغیر خطے اور دنیا میں امن قائم نہیں ہوسکتا ۔

لندن کی وارکشائر یونیورسٹی میں خطاب کرتے ہوئے پاکستانی فوج کے ترجمان میجر جنرل آصف غفورکا کہنا تھا کہ دہشتگردی کے خاتمے کے لئے دنیا کو پاکستان کا شکریہ ادا کرنا چاہیے، پاکستان کے بغیر خطے اور دنیا میں امن قائم نہیں ہو سکتا۔

میجر جنرل آصف غفور کا کہنا تھا کہ پاکستان اور افغانستان کا امن ایک دوسرے سے مشروط ہے، پاکستان کی خواہش ہے کہ امریکا افغانستان میں مکمل امن آنے تک موجود رہے۔

پاکستانی فوج کے ترجمان نے کہا کہ القاعدہ کو پاکستان کی مدد کے بغیر شکست نہیں ہو سکتی تھی، پاک فوج کے آپریشن سے دہشتگردوں کی کارروائیاں صفر ہو گئی ہیں۔ انہوں نے کہا کہ ملالہ یوسفزئی پر حملہ عورتوں کی تعلیم کے مخالف دہشتگردوں نے کیا۔