• سعودی جارحیت اور یمنی فوج کے جوابی حملے

سعودی اتحاد کے جنگی طیاروں کی بمباری میں مزید دو بے گناہ یمنی شہری شہید ہوگئے۔

المسیرہ ٹیلی ویژن کی رپورٹ کے مطابق سعودی اتحاد کے جنگی طیاروں نے صوبہ الحدیدہ کے شہر بیت الفقیہ کو اپنے حملوں کا نشانہ بنایا ہے۔اس حملے میں کم سے کم دو بے گناہ یمنی شہری شہید اور دو دیگر زخمی ہوئے۔سعودی حکومت کے جنگی طیاروں نے صوبہ صعدہ کے ضلع الاھور پر دوبار اور ظاہر شہر پر تین بار بمباری کی ہے۔یمنی فوج اور عوامی رضاکار فورس کے جوانوں نے سعودی جارحیت کے جواب میں الحدیدہ کے ساحلوں کے قریب سعودی اتحاد کے فوجیوں پر شدید حملے کیے ہیں۔صوبہ مآرب کے علاقے خریص کے قریب بھی یمنی فوج نے سعودی اتحاد کے فوجیوں کو میزائل حملوں کا نشانہ بنایا ہے۔یمنی فوج اور عوامی رضاکار فورس کے جوانوں نے صوبہ عسیر کی جانب سے سعودی اتحاد کی پیشقدمی کو بھی ناکام بنادیا ہے۔یمنی فوج کے جوابی حملوں میں درجنوں سعودی فوجی ہلاک اور زخمی ہوئے ہیں۔

Nov ۱۰, ۲۰۱۸ ۱۷:۳۷ Asia/Tehran
کمنٹس