SAHAR

یمن کی فوج نے جارح سعودی اتحاد کے وحشیانہ حملوں کے جواب میں سعودی عرب کے جنوب مغربی شہر جیزان میں جارح اتحاد کے ٹھکانوں پر توپخانوں سے وسیع حملہ کیا ہے۔

المسیرہ ٹیلی ویژن چینل نے خبردی ہے کہ یمن کی فوج نے جیزان شہر کے علاقے جبل الدود میں سعودی عرب اور اس کے اتحادیوں پر حملہ کرکے متعدد جارح فوجیوں کو موت کے گھاٹ اتاردیا ہے۔
دوسری جانب یمن کے جنوبی صوبے تعز میں بھی یمنی فوج نے الوازعیہ محاذ پر حملہ کرکے سعودی عرب اور اس کے اتحادیوں کے متعدد فوجیوں کو ہلاک اور زخمی کردیا ہے۔
اس درمیان یمن کے مغربی شہر الحدیدہ پر سعودی عرب کے وحشیانہ ہوائی حملے جاری رہے - الحدیدہ پر سعودی عرب کے وحشیانہ ہوائی حملوں میں کم سے کم نو عام شہری شہیداور متعدد دیگر زخمی ہوئےہیں۔