لیبیا: سرت میں داعش دہشت گرد گروہ کی سرگرمیاں
Nov ۱۹, ۲۰۱۸ ۱۹:۴۳ Asia/Tehran
لیبیا کے حکام نے اعلان کیا ہے کہ داعش دہشت گرد گروہ نے شہر سرت کے علاقے وادی الحنیوہ میں چیک پوسٹ قائم کر دی ہے جس سے وہاں کے عوام میں خوف و ہراس پیدا ہو گیا ہے۔
رپورٹ کے مطابق لیبیا کے حکام نے پیر کے روز اعلان کیا ہے کہ شہر سرت کے مشرق میں پچاس کلو میٹر کے فاصلے پر واقع الحنیوہ میں داعش دہشت گرد گروہ نے ایک چیک پوسٹ قائم کر دی ہے۔اس چیک پوسٹ پر داعشی عناصر گاڑیوں کو روک کر ان کے کاغذات چیک کر رہے ہیں اور مسافروں اور ڈرائیوروں سے ان کی معلومات حاصل کر رہے ہیں۔شہر سرت شمالی لیبیا میں دارالحکومت طرابلس سے چار سو پچاس کلو میٹر کے فاصلے پر واقع ہے جہاں سے فوج نے داعش دہشت گردوں کا صفایا کر دیا تھا۔اس وقت یہ دہشت گرد عناصر شہر کے اطراف میں موجود ہیں اور سرکاری فوجیوں کو نشانہ بنا رہے ہیں۔