Jan ۲۲, ۲۰۱۹ ۱۴:۲۳ Asia/Tehran
  • حماہ اورادلب میں دہشت گردوں کے ٹھکانوں پر بمباری

شامی فوج اور روسی فضائیہ کے جنگی طیاروں نے حماہ اور ادلب کے مختلف علاقوں میں دہشت گردوں کے ٹھکانوں پر حملے کیے ہیں۔

خـبروں کے مطابق شامی فوج کے جوانوں نے مغربی حماہ کے نواحی علاقوں میں تحریرالشام، العزہ اور ترکستانی گروپ کے ٹھکانوں پر شدید گولہ باری کی ہے۔
شامی فوج نے صوبہ ادلب کے علاقوں خان شیخون، بداما اور الناجیہ میں بھی دہشت گردوں کے ٹھکانوں کو اپنے حملوں کا نشانہ بنایا جبکہ روسی فضائیہ کے طیاروں نے مغربی حماہ اور حلب میں دہشت گردوں کے ٹھکانوں پر بمباری کی ہے۔
ایک اور اطلاع کے مطابق دہشت گردوں کی کئی ٹولیاں ترکی کی سرحد عبور کر کے شمالی شام میں داخل ہوئی ہیں اور صوبہ حماہ کے نواحی دیہات میں موجود ہیں جہاں سے وہ شامی فوج اور رہائشی علاقوں پر براہ راست حملے کر رہی ہیں۔

ٹیگس

کمنٹس