ماہی گیروں کی کشتیوں پر سعودی بمباری، 8 شہید، متعدد زخمی
Feb ۱۳, ۲۰۱۹ ۱۹:۵۶ Asia/Tehran
سعودی حکومت کے لڑاکا طیاروں نے مغربی یمن کے صوبے الحدیدہ میں ماہی گیروں کی کشتیوں پر حملہ کیا ہے۔
المسیرہ ٹیلی ویژن کے مطابق سعودی حکومت کے لڑاکا طیاروں نے الحدیدہ کے شمالی جزیرہ بضیع کے قریب کھڑی ماہیگیروں کی کشتیوں پر حملہ کر دیا جس میں کم سے کم آٹھ ماہی گیر شہید اور پانچ دیگر زخمی ہو گئے۔
دس یمنی ماہی گیر لاپتہ بھی بتائے جاتے ہیں جن کی تلاش کے لیے ریسکیو آپریشن کیا جا رہا ہے۔
سعودی حکومت کے لڑاکا طیاروں نے جنگ بندی کی خلاف ورزی کا سلسلہ جاری رکھتے ہوئے الدریہمی سٹی کے رہائشی علاقوں پر گولہ باری بھی کی ہے۔