افغان شہریوں کے خلاف نیٹو کے حملے بند ہوں ، افغان چیف ایگزیکٹیو
افغانستان کے چیف ایگزیکٹیو نے کابل میں نیٹو کے کمانڈر سے ملاقات میں افغانستان کے رہائشی علاقوں پر حملے بند کئے جانے کا مطالبہ کیا ہے ۔
کابل سے ہمارے نمائندے کی رپورٹ کے مطابق افغانستان کے چیف ایگزکٹیو عبداللہ عبداللہ نے پیر کے روز کابل میں ہونے والی اس ملاقات میں افغانستان کے رہائشی علاقوں پر امریکی حملوں میں عام شہریوں کے ہونے والے جانی نقصانات پر گہری تشویش کا اظہار کیا۔اس ملاقات میں نیٹو کے کمانڈر اسکاٹ میلر نے بھی کہا کہ افغانستان میں غیر ملکی فوجیوں کی کارروائی میں عام شہریوں کا خیال رکھا جائے گاافغانستان میں رہائشی علاقوں پر امریکہ اور نیٹو کے حملوں میں عام شہریوں کے جانی نقصانات میں مسلسل اضافہ ہو رہا ہے۔اقوام متحدہ کے اعلان کے مطابق دو ہزار اٹھارہ میں ان حملوں میں تین ہزار آٹھ سو سے زائد عام شہری جاں بحق اور سات ہزار سے زائد دیگر زخمی ہوئے ہیں۔