شام کے شہر حماہ میں 100 دہشتگرد ہلاک
May ۲۸, ۲۰۱۹ ۱۱:۴۶ Asia/Tehran
شام میں روس کے صلح و آشتی مرکز کا کہنا ہے کہ حماہ کے شمالی علاقے میں شام کی فوج پر دہشتگرد گروہ جبهه النصره کے حملے کو ناکام بناتے ہوئے کم سے کم 100 دہشتگردوں کو ہلاک کیا گیا۔
روسیہ الیوم کی رپورٹ کے مطابق شام میں روس کے صلح وآشتی مرکز نے اپنی رپورٹ میں کہا ہے کہ شام کے صوبے حماہ کے شمالی علاقے کفر نبودہ میں 450 دہشتگردوں نے شامی فوج پر حملہ کیا تاہم ان کے حملے کو ناکام بنا دیا گیا۔ اس رپورٹ کے مطابق اس جھڑپ میں دہشتگردوں کے 3 ٹینک، 2 اینٹی ایئر کرافٹ اور بکتر بند گاڑیوں کو تباہ کر دیا گیا۔
واضح رہے کہ شام کی فوج نے دہشتگردوں کو پسپا کرتے ہوئے 8 مئی 2019 کو اہم اسٹرٹیجک علاقے کفر نبودہ کا کنٹرول حاصل کیا تھا۔
