SAHAR

روسی میڈیا نے خبردی ہے کہ شامی فوج نے جمعرات کو ادلب کے قریب خان شیخون شہر پر اپنا کنٹرول کرلیا ہے اور اب وہ اس علاقے میں نصب کی گئی بارودی سرنگوں اور بموں کو ناکارہ بنانے میں مصروف ہے۔

خبروں میں کہا گیا ہے کہ خان شیخون شہر پرشامی فوج کا کنٹرول ہوجانے کے ساتھ ہی کفرزیتا، اللطامیہ، مورک اور لطمین شہر بھی دہشت گردوں کے قبضے سے آزد ہوگئے۔

خان شیخون شہر ادلب کے شمالی مغربی اور مشرقی علاقوں کو ایک دوسرے سے جوڑتا ہے اور اس شہر کی آزادی شام کے سب سے بڑے اقتصادی مرکز حلب شہر کا راستہ کھل جانے کی سمت میں پہلا قدم ہوگا۔

خان شیخون شہر پر شامی فوج کا کنٹرول ہوجانے کے بعد اب ملک کے شمالی علاقے معرۃ النعمان کی جانب پیشقدمی کا راستہ بھی شامی فوج کے لئے ہموار ہوجائے گا۔

 

ادلب دہشت گردوں کا آخری گڑھ تصور کیا جاتا ہے۔