غیر ملکی فوج کے ہوائی حملے میں پچیس افغان شہری جاں بحق
Sep ۱۹, ۲۰۱۹ ۲۰:۰۱ Asia/Tehran
افغانستان میں امریکا کے زیرکمان فوج کے ہوائی حملے میں پچیس عام شہری جاں بحق ہوگئے
افغانستان کے مشرقی صوبے ننگر ہار کے شہر خوگیانی کے مقامی عہدیدار شمس الحق صافی نے جمعرات کو اعلان کیا کہ پچیس افغان مزدور اس وقت غیر ملکی فوج کے ڈرون طیارے کے حملے کا نشانہ بن گئے جب وہ کھیتوں میں کام کررہے تھے - افغانستان میں اسپتال کے ذرائع کا کہنا ہے کہ اب تک پچیس لاشوں کو اسپتال منتقل کیا جاچکا ہے اور مرنے والوں کی تعداد میں اضافہ بھی ہوسکتا ہے-