SAHAR

سعودی عرب کے شہرجدہ کے ریلوے اسٹیشن کی عمارت میں بڑے پیمانے پر آگ لگ گئی ہے

عرب میڈیا کے مطابق جدہ شہر کے ریلوے اسٹیشن کی چھت پر آگ بھڑک اٹھی اور اس کے شعلے ریلوے اسٹیشن کے دیگر حصوں تک پھیل گئے - سعودی عرب کے سول ڈیفنس کے محکمے نے اپنے ٹویٹر پیج پر آتشزدگی کے اس واقعے کی تصدیق کرتے ہوئے لکھا ہے کہ اس واقعے میں پانچ افراد زخمی ہوئے ہیں - آتشزدگی کے باعث جدہ ریلوے اسٹیشن کی فضا میں گہرے دھوئیں کے بادل چھاگئے - آتشزدگی کے باعث ٹرینوں کی آمد و رفت معطل ہوگئی اور اسٹیشن پر موجود لوگوں کو بحفاظت باہر نکال لیا گیا۔