SAHAR

الجزیرہ ٹی وی چینل نے رپورٹ دی ہے کہ تحریک انصاراللہ نے اعلان کیا ہے کہ یمنی فوج نے امارات اور سعودی جارح اتحاد کے دوجنگی جہازوں کو مغربی یمن میں الحدیدہ کے سمندری حدود میں اپنے کنٹرول میں لے لیا ہے۔ سعودی اتحاد نے اس کے جواب میں تحریک انصار اللہ پر اپنے دو بحری جہازوں کو یرغمال بنانے کا الزام لگاتے ہوئے دعوی کیا ہے کہ یہ اقدام بین الاقوامی جہازرانی کے منافی ہے۔

یمنی فوج کا یہ اقدام، یمن پر جارح سعودی اتحاد کے مسلسل حملوں اور محاصرے پر ردعمل کے طور پر سامنے آیا ہے۔ 

سعودی عرب، متحدہ عرب امارات اور چند دیگر ممالک امریکہ کی حمایت سے مارچ دوہزار پندرہ سے یمن پر حملے کر رہے ہیں۔