SAHAR

العالم کی رپورٹ کے مطابق صیہونی فوجیوں نے شہر الخلیل میں ایک تعلیمی سینٹر کے قریب حملہ کر کے طلبہ پر آنسوگیس کے گولے داغے جس کے نتیجے میں دسیوں طالبعلموں اور شہریوں کا دم گھٹنے لگا۔ 

شہرالخلیل کے جنوبی محلوں کے مدارس صیہونی فوجیوں اور یہودی آبادکاروں کے ہاتھوں نشانہ بنائے جا رہے ہیں جبکہ بین الاقوامی مبصرین کے نکلنے کے بعد اس علاقے میں آباد فلسطینیوں کو تشدد کا نشانہ بنایا جا رہا ہے۔ 

دولاکھ سے زیادہ فلسطینی اور تقریبا چار سو یہودی آباد کار الخلیل میں آباد ہیں۔ صیہونی حکومت نے فلسطینیوں کی زمینوں پر قبضہ جاری رکھتے ہوئے شہر الخلیل میں بھی اپنی کوششیں تیز کر دی ہیں۔