Dec ۰۱, ۲۰۱۹ ۰۹:۱۰ Asia/Tehran
  • افغان کمانڈر ہلاک، داعش کے31 دہشت گرد گرفتار

افغانستان میں داعش کے 31 دہشت گردوں کو گرفتارکر لیا گیا ہے۔

بین الاقوامی خبر رساں ادارے کے مطابق افغانستان کے صوبے ہلمند کے علاقے مارجہ میں سڑک کنارے نصب بم عین اس وقت زوردار دھماکے سے پھٹ گیا جب وہاں سے افغان بارڈر فورس کی گاڑی گزر رہی تھی۔ ہلاک اور زخمی ہونے والوں کو قریبی اسپتال میں منتقل کردیا گیا ہے۔

ہلمند کے گورنر کے ترجمان عمر زواک نے میڈیا کو بتایا کہ بم دھماکے میں افغان بارڈر فورس کے کمانڈر بریگیڈیر ظاہر گل ہلاک ہوگئے جب کہ ایک صحافی سمیت 3 سیکیورٹی اہلکار زخمی ہوئے ہیں۔ افغان بارڈر فورس کی یہ ٹیم مارجہ میں سرچ آپریشن کرنے جارہی تھی۔ مارجہ سے طالبان کا قبضہ واگزار کرانے کیلیے جھڑپیں جاری ہیں۔

دوسری جانب افغانستان کی سکیورٹی فورسز نے مشرقی صوبہ ننگر ہار میں دہشتگرد داعش کے 31 دہشت گردوں کو گرفتار کر لیا ہے ۔ ان دہشت گردوں کے قبضے سے بھاری اور ہلکے ہتھیار بھی برآمد ہوئے ہیں ۔

 

ٹیگس