افغان الیکشن کمیشن کا صدارتی انتخابات میں دھاندلیوں کا اعتراف
Dec ۰۹, ۲۰۱۹ ۱۴:۴۹ Asia/Tehran
افغانستان کی چیف الیکشن کمشنر نے ملک کے صدارتی انتخابات میں دھاندلیوں کا اعتراف کیا ہے۔
انتخابیعمل کے حوالے سے ایک کانفرنس کو خطاب کرتے ہوئے افغانستان کی چیف الیکشن کمشنر حوا علم نورستانی کا کہنا تھا کہ انتخابی عملے کے بارہ ہزار چھے سو پچاس کارکنوں کے بارے میں انتخابی جرائم میں ملوث ہونے کی شکایات موصول ہوئی ہیں۔ انہوں نے کہا کہ ان افراد کے بارے میں انتخابی کمیشن میں ضابطے کی کارروائی کا حکم دے دیا گیا ہے۔
افغان الیکشن کمشنر کا یہ بیان ایسے وقت سامنے آیا ہے جب ایک اہم صدارتی امیدوار عبداللہ عبداللہ کے الیکشن آفس کے سینیئر رکن اسداللہ سعادتی نے الیکشن کمیشن پر انتخابی عملے کی خلاف ورزیوں سے غفلت برتنے کا الزام عائد کیا ہے۔
عبداللہ عبداللہ کے ہزاروں حامیوں نے انتخابی دھاندلیوں کے خلاف پچھلے چند روز کے دوران مختلف صوبوں میں مظاہرے بھی کئے ہیں۔