SAHAR

متحدہ عرب امارات میں کورونا وائرس کے باعث تمام اسکولوں کو ایک ماہ کے لیے بند کرنے کا اعلان کیا گیا ہے۔

سومریه نیوزکے مطابق متحدہ عرب امارات کی اہم شخصیت علی الطویل نے کہا ہے کہ ابو ظہبی کے ولیعہد محمد بن زائد آل نھیان بھی کورونا وائرس میں مبتلا ہوگئے ہیں اور انھیں قرنطینہ میں بھیج دیا گیا ہے۔ انہوں نے دعوی کیا کہ حکام نے اس حوالے سے خاموشی اختیار کی ہے تاہم سرکاری طور پر اس کی تردید یا تصدیق نہیں ہوئی ہے۔

علی الطویل کا کہنا ہے متحدہ عرب امارات میں کورونا میں مبتلا افراد کی تعداد اس سے کہیں زیادہ ہے جس کا اعلان حکام کر رہے ہیں۔