SAHAR

افغان نیوز ایجنسی آوا پریس کے مطابق میر رحمان رحمانی نے اس ملاقات میں عبداللہ عبداللہ اور اشرف غنی دونوں پر زور دیا کہ ملک کو سیاسی بحران سے نجات دلائیں۔ عبداللہ عبداللہ نے اس موقع پر کہا کہ انہیں امید ہے کہ موجودہ اختلاف جلد حل ہوجائیں گے۔ 

قابل ذکر ہے کہ افغانستان میں سیاسی بحران کا آغاز اس وقت ہوا جب افغانستان کے الیکشن کمیشن نے صدارتی انتخابات کے نتائج کا اعلان کرتے ہوئے موجودہ صدر اشرف غنی کو کامیاب قرار دیا تھا، جسے عبداللہ عبداللہ اور ان کی جماعت نے مسترد کر دیا تھا۔ 

 بعد ازآں افغانستان میں بیک وقت حلف برداری کی دو الگ الگ تقریبات منعقد ہوئی تھیں اور اشرف غنی اور عبداللہ عبداللہ دونوں نے ملک کے صدر کی حثیت سے اپنے عہدے کا حلف اٹھایا تھا۔