SAHAR

دسیوں یہودی آبادکاروں نے غاصب صیہونی فوجیوں کی مدد سے مسجد الاقصی پر حملہ کر دیا۔

المسیرہ ٹی وی کی رپورٹ کے مطابق دسیوں یہودی آبادکاروں نے مسجد الاقصی کھلنے کے کچھ گھنٹوں بعد ہی باب المغاربہ سے مسجد الاقصی کے صحن میں دھاوا بول دیا اور مسجد کی اہانت کرتے ہوئے نمازیوں کو زد و کوب کیا۔

صیہونی فوجیوں نے بھی یہودی آبادکاروں کی مدد کی اور دو فلسطینی لڑکوں اور ایک نوجوان لڑکی کو گرفتار کر لیا۔

کورونا کے با‏عث دو مہینے بعد آج صبح مسجد الاقصی کو کھولا گیا ہے۔مسجد الاقصی شہر بیت المقدس میں واقع ہے اور اسلامی و فلسطینی تشخص کی علامت ہے اور اسی بنا پر غاصب صیہونی حکومت اسے نشانہ بناتی رہتی ہے۔ صیہونی حکومت اپنے توہین آمیز اقدامات کے ذریعے مسجد الاقصی کے تشخص کو مٹا کر صیہونی علامات نصب کرنا چاہتی ہے۔