Jan ۰۵, ۲۰۲۱ ۲۳:۵۷ Asia/Tehran
  • قطر محاصرے کے خاتمے کے لئے معاہدے پر دستخط ہو گئے

خلیج فارس تعاون کونسل کی نشست میں شریک ملکوں کے حکام نے سعودی عرب کے شہر العلا میں جاری ہونے والے بیان پر باضابطہ طور پر دستخط کر دیے ہیں جس میں قطر کا بحران ختم کرنے پر اتفاق کیا گيا ہے۔

خلیج فارس تعاون کونسل کی اکتالیسویں نشست، رکن ملکوں کے درمیان صلح و آشتی کے مقصد سے منگل کے روز العلاء میں منعقد ہوئي۔ اس نشست میں کویت کے امیر شیخ نواف الاحمد الصباح نے، نشست کے بیانیے پر دستخط کرنے کے لیے تمام رکن ملکوں کا شکریہ ادا کیا۔

کویت کے امیر نے قطر کے بحران کے خاتمے کے لیے سب سے زیادہ کوشش کی ہے۔ اس بیان پر دستخط کے بعد جون 2017 میں قطر کے ساتھ سعودی عرب، متحدہ عرب امارات، بحرین اور مصر کے تعلقات میں پیدا ہونے والا بحران بظاہر ختم ہو گيا ہے۔

ان چار ملکوں نے جون 2017 میں اعلان کیا تھا کہ انہوں نے قطر کے ساتھ اپنے تعلقات توڑ لیے ہیں۔ اس کے لیے انہوں نے دوحہ پر دہشت گردی کی حمایت کا الزام لگایا تھا لیکن قطر نے سختی سے اس الزام کو مسترد کر دیا تھا۔

ٹیگس