SAHAR

فرانس کے خبری ذرائع کے مطابق سعودی عرب کی وزارت خارجہ کے ایک افسر نے بتایا ہے کہ پینتیس افرد پر مشتمل سفارتی اسٹاف بغداد پہنچ گیا ہے جبکہ سعودی سفیر جمعرات کو بغداد پہنچیں گے جہاں وہ سعودی سفارتخانے کے افتتاح کی تقریب میں شرکت کریں گے ۔

یہ ایسی حالت میں ہے کہ عراق نے کئی بار کہا ہے کہ سعودی عرب دہشتگرد گروہ داعش کی حمایت کررہا ہے۔ چند دن پہلے بھی عراقی پارلیمنٹ کے کچھ اراکین نے بغداد میں سعودی سفارتخانے کے کھولے جانے پر تنقید کرتے ہوئے اسکے نتائج سے خبردار کیا تھا ۔

عراق کی پارلیمنٹ کے اراکین کا کہنا ہے کہ اس بات کا امکان ہے کہ بغداد میں سعودی سفارتخانہ داعش اور دوسرے دہشتگرد گروہوں کے نمائندہ دفتر میں تبدیل ہوجائے۔

یاد رہے عراق اور سعودی عرب کے سفارتی تعلقات پچیس سال پہلے کویت پر صدام کے حملے کے وقت منقطع ہوگئے تھے۔