ڈالر کے مقابلے میں پاکستانی روپے کی قدر میں بہتری
Aug ۲۷, ۲۰۱۵ ۰۹:۵۱ Asia/Tehran
پاکستان کے مرکزی بینک کی مخصوص ہدایات کے باعث ڈالر کے مقابلے میں پاکستانی روپے کی قدر میں بہتری کا مشاہدہ کیا گیا۔
کراچی سے اقتصادی امور کے نامہ نگار کے مطابق منگل کے روز مرکزی بینک نے بینکوں کو ہدایت کی تھی کہ وہ ڈالر کی فارورڈ بکنگ عارضی طور پر بند کردیں۔اسٹیٹ بینک آف پاکستان کی جانب سے بینکوں کو مخصوص ہدایات کے بعد بدھ کے روز ڈالر کی قدر میں ٹھہراؤ آگیا ۔اوپن مارکیٹ اور انٹربینک دونوں میں ابتداَئی کاروبار کے دوران ڈالر کی قدر میں بیس اور تیس پیسے کی کمی واقع ہوئی۔
انٹربینک لین دین کے دوران ڈالر ایک سو چار روپے پانچ پیسے میں جبکہ اوپن مارکیٹ میں ڈالر ایک سو چار روپے اسّی پیسہ میں فروخت کیا گیا۔