SAHAR

ایمنسٹی انٹرنیشنل نے پشاور بس بم دھماکے کی مذمت کرتے ہوئے مطالبہ کیا ہے کہ حکومت پاکستان دھماکے کی تحقیقات کر کے متاثرین کو فوری انصاف فراہم کرے۔

ایمنسٹی انٹرنیشنل کی جانب سے جاری کئے جانے والے بیان میں حکومت پاکستان سے مطالبہ کیا گیا ہے کہ پشاور بس بم دھماکے کی تحقیقات جلد سے جلد مکمل کی جائیں اور واقعے کے ذمہ داروں کو پکڑ کر انصاف کے کٹہرے میں لایا جائے۔

دوسری جانب پشاور بس بم دھماکے میں جاں بحق ہونے والوں کو ان کے آبائی علاقوں میں سپرد خاک کر دیا گیا۔

تدفین کے موقع پر عوام کی ایک بڑی تعداد نے شرکت کی جنھوں نے دہشت گردی کی شدید مذمت کی اور حکومت سے دہشت گردوں سے سختی سے نمٹنے کا مطالبہ کیا۔