SAHAR

پاکستانی فوج نے ہندوستان کے زیرانتظام کشمیر میں فوجی ٹھکانوں پر گولہ باری کرنے کا دعوی کیا ہے۔

رپورٹ کے مطابق پاکستانی فوج نے اعلان کیا ہے کہ ہندوستان کے زیر انتظام کشمیر میں فوجی ٹھکانوں پر گولہ باری کر کے ہندوستانی فوج کو بھاری نقصان پہنچایا گیا ہے۔اس سے قبل ہندوسانی فوج نے اعلان کیا تھا کہ اس نے جموں و کشمیر میں دراندازی روکنے کی غرض سے پاکستان کے زیرانتظام کشمیر میں فوجی چیک پوسٹوں کو تباہ کرتے ہوئے پاکستانی فوج کو بھاری نقصان پہنچایا ہے۔پاکستانی فوج کے ترجمان نے ہندوستان کے اس دعوے کو بے بنیاد قرار دیا ہے۔واضح رہے کہ ہندوستان اور پاکستان کی جانب سے ایک دوسرے پر کشمیر کی کنٹرول لائن پر فائربندی کی خلاف ورزی کئے جانے کا الزام لگایا جاتا رہا ہے۔