کلمہ گومسلمان کو کافر کہنے والا جہنمی
پاکستان کے شہر لاہورمیں تکفیریت سے پاکستان کو درپیش چیلنجزکے عنوان سے ایک کانفرنس ہوئی۔
جمعیت علماء پاکستان (نیازی) کے زیر اہتمام پیر معصوم حسین نقوی کی زیر صدارت دوسری انٹرنیشنل حسینی کانفرنس بعنوان "تکفیریت اور پاکستان کو درپیش چیلنجز" سے خطاب کرتے ہوئے مقررین نے واضح کیا ہے کہ کسی کلمہ گو مسلمان کو کافر کہنے والا خود جہنمی ہے، تکفیری سوچ اور خارجیت نے اسلام کو شدید نقصان پہنچایا ہے، اس سے مقابلے کے لئے امت کے اتحاد کے لیے عملی اقدامات کرنا ہوں گے
علمائے اہلسنت کا کہنا تھا کہ عقیدہ توحید، ختم نبوت اور محبت اہلبیت پر کسی فرقے کی اجارہ داری نہیں، یہ تمام مکاتب فکر کی میراث ہے۔ انہوں نے کہا کہ آئین پاکستان میں مسلمان کی تعریف کرکے مسئلے کو حل کر دیا گیا ہے، جس پر سنی، شیعہ، دیوبندی اور اہلحدیث سب کا اتفاق ہے اورکسی کو کافر، مشرک، ملحد یا مرتد کہنا خود کفر ہے۔
