ملی یکجہتی کونسل کی جانب سے ناصر شیرازی کی بازیابی کامطالبہ
Nov ۲۱, ۲۰۱۷ ۱۲:۰۵ Asia/Tehran
ملی یکجہتی کونسل پاکستان کی اہم رکن جماعت مجلس وحدت مسلمین کے مرکزی ڈپٹی سیکریٹری جنرل سید ناصرعباس شیرازی کے اغواء کے خلاف ملی یکجہتی کونسل کا اہم اعلیٰ سطحی اجلاس 22نومبر بروز بدھ اسلام آباد میں طلب کرلیا گیا ہے۔
ملی یکجہتی کونسل پاکستان کے مرکزی سیکریٹری جنرل لیاقت بلوچ نے ناصرشیرازی کے تین ہفتے سے لاپتہ ہونے پر شدید تشویش کا اظہار کرتے ہوئے حکومت کے غیر سنجیدہ رویے کی مذمت کی۔
لیاقت بلوچ نے کہا کہ ناصرشیرازی کی جبری گمشدگی کے خلاف ملی یکجہتی کونسل کا اعلیٰ سطحی اجلاس طلب کرلیا گیا ہے جس میں ان کے اغوا سے متعلق آئندہ کے لایحہ عمل کا اعلان کیا جائے گا۔
واضح رہے کہ مجلس وحدت مسلمین کے ڈپٹی سیکریٹری جنرل ناصر شیرازی کو تین ہفتے قبل لاھور سے اغوا کیا گیا اور عدالتی حکم کے باوجود انھیں تا حال عدالت میں پیش نہیں کیا گیا۔