پاکستان کی اسمبلیاں 31 مئی کو تحلیل
Mar ۱۸, ۲۰۱۸ ۰۶:۳۵ Asia/Tehran
پاکستان کے وزیر خارجہ خواجہ آصف نے کہا ہے کہ عوام آئندہ الیکشن میں اپنے ووٹ کی طاقت سے احتساب کریں گے۔
سیالکوٹ میں کنونشن سے خطاب کرتے ہوئے خواجہ آصف نے گزشتہ ہفتے ورکرز کنونشن میں اپنے اوپر سیاہی پھینکنے کے واقعے کے حوالے سے کہا کہ سیاہی پھینکے جانے پر کوئی دکھ نہیں ، ہمارا مذہب ہمیں دہشت گردی نہیں محبت سکھاتا ہے۔
خواجہ آصف کا کہنا تھا کہ ہم جنرل الیکشن کے دور میں داخل ہو چکے ہیں، 31 مئی کو اسمبلیاں تحلیل ہوجائیں گی۔ انہوں نے کہا کہ پاکستان کی تقدیر کا فیصلہ عوام کے ووٹوں سے ہوگا اور ووٹ کی عزت ہوگی تب ہی ملک ناقابل تسخیر ہوگا، آئندہ الیکشن میں عوام ووٹ کی طاقت سے احتساب کریں گے۔