• پاکستان کی تمام سیاسی جماعتیں حکومت کے خلاف

پیپلز پارٹی کے شریک چیرمین نے اس ملک کی تمام سیاسی جماعتوں سے کہا ہے کہ وہ اکھٹا ہو کرحکومت کے خلاف قراداد لائیں۔

اسلام آباد میں پریس کانفرنس کرتے ہوئے پیپلز پارٹی کے شریک چیرمین اور سابق صدر پاکستان آصف علی زرداری نے کہا ہےکہ موجودہ حکومت کی نااہلی کم وقت میں سامنے آگئی، تمام سیاسی جماعتوں کو اکھٹا ہو کر قراداد لانی ہوگی کہ نہ یہ حکومت چل سکتی ہے اور نہ ہی ملک چلا سکتی ہے۔

آصف زرداری کا کہنا تھا کہ حکومت سازشوں کا مرکز اور اسلام آباد سازشوں کا شہر ہے، ہم کس سمت جارہے ہیں اصولی فیصلہ کرنا ہوگا۔

آصف زرداری نے نواز شریف پر بھی نکتہ چینی کرتے ہوئے کہا کہ آج جو کیس بھگت رہا ہوں وہ نواز شریف کا ہی بنایا ہوا ہے، ہم نے اپنے دورمیں مستقبل کی پالیسیاں بنائیں جو میاں صاحب کوپسند نہ آئیں۔

سابق صدر کا کہنا تھا کہ جب ہم نے حکومت سنبھالی تو امریکی امداد بند ہوگئی تھی اور حالات ایسے ہی تھے، جب مشرف صاحب آئے تب بھی ایسا ہی ہورہا تھا، لیکن مشرف کے بعد ہم نے چیلنج کو قبول کیا۔

 

ٹیگس

Oct ۲۲, ۲۰۱۸ ۰۷:۴۱ Asia/Tehran
کمنٹس