SAHAR

پاکستان کے صوبے بلوچستان کے ضلع چمن میں مسجد کے اندر ہونے والے دھماکے کے نتیجے میں متعدد افراد زخمی ہو گئے۔

میڈیا رپورٹوں کے مطابق دھماکہ پاک افغان سرحد کے قریب تاج روڈ پر واقع ایک قدیم مسجد میں ہوا جس میں پیش امام سمیت نو افراد زخمی ہو گئے۔ بعض خبروں میں زخمیوں کی تعداد دس بھی بتائی گئی ہے۔
پولیس کے مطابق دھماکہ خیز مواد مسجد کے اندر الماری میں چھپایا گیا تھا۔ تاحال دھماکے کی نوعیت کے بارے میں پولیس نے کچھ نہیں بتایا اور نہ ہی کسی نے اس کی ذمہ داری قبول کی ہے۔
پاکستان کے علاقے چمن کی سرحدیں، افغانستان کے سب سے زیادہ بدامنی والے صوبے قندھار سے ملتی ہیں۔