پاکستان میں امریکی ویب سائٹ بلاک
Dec ۱۳, ۲۰۱۸ ۱۰:۴۸ Asia/Tehran
پاکستان کے وزیر اطلاعات نے اس ملک میں اردو اور پشتو زبانوں میں امریکی ویب سائٹ پر پابندی لگانے کا اعلان کیا ہے۔
ارنا کی رپورٹ کے مطابق پاکستان کے وزیر اطلاعات و نشریات فواد چوہدری نے کہا کہ اردو اور پشتو زبانوں میں امریکی ویب سائٹ پر پابندی لگانے کا فیصلہ ان کی غلط اور جھوٹی خبروں اور رپورٹوں کی وجہ سے کیا گیا۔ اس سے قبل فواد چوہدری نے کہا تھا کہ بعض ویب سائٹ کو غلط بیانی کرنے کی وجہ سے بند کیا جائے گا۔
امریکی نشریاتی ادارے نے پاکستان میں اپنی ویب سائٹ کی بندش کی تائید کی ہے۔
امریکی حکام اور ذرائع ابلاغ ہمیشہ پاکستان پر دہشت گردوں کو پناہ دینے کا الزام عائد کرتے رہے ہیں تاہم پاکستان ان الزامات کو ہمیشہ مسترد کرتا رہا ہے۔