اسرائیلیوں کو آن ارائیول ویزہ دینے کی تردید
Jan ۱۲, ۲۰۱۹ ۱۸:۱۷ Asia/Tehran
حکومت پاکستان نے اسرائیلی باشندوں کے لئے ویزہ کی فراہمی سے متعلق خبروں کو سختی کے ساتھ مسترد کر دیا۔
حکومت پاکستان کی جانب سے جاری ہونے والے بیان میں کہا گیا ہے کہ صیہونی حکومت کے ساتھ پاکستان کے کسی بھی قسم کے تعلقات نہیں ہیں اور اسرائیلی باشندوں کو پاکستان کے کسی بھی ایئرپورٹ پر ویزہ جاری نہیں کیا جا رہا ہے۔
ایک اعلی سرکاری عہدیدار نے بھی ان خبروں کی تردید کی ہے کہ اسرائیلی باشندوں کو پاکستان کے مختلف ایئرپورٹ پر آن ارائیول ویزے کی سہولت فراہم کی جا رہی ہے۔
پاکستان اور اسرائیل کے درمیان سفارتی تعلقات نہیں ہیں اور حکومت اسلام آباد نے تل ابیب کے ساتھ کسی بھی قسم کے خفیہ رابطے کی بھی تردید کی ہے۔